დღეს, 28 ივლისს, სახელმწიფო აუდიტის სამსახურსა და საქართველოს უნივერსიტეტს შორის გაფორმდება ურთიერთთანამშრომლობის მემორანდუმი, რომლის მიზანია სახელმწიფო აუდიტის სამსახურისათვის კვალიფიციური კადრების მომზადება, ერთობლივი ინიციატივებისა და პროექტების განხორციელება, სტუდენტთა პროფესიული განვითარების ხელშეწყობა საბაკალავრო, სამაგისტრო და სადოქტორო პროგრამების მიმართულებით.
მემორანდუმის ფარგლებში, დაგეგმილია სახელმწიფო აუდიტის სამსახურში საქართველოს უნივერსიტეტის სტუდენტთა სტაჟირება და სასწავლო პრაქტიკის გავლა.
მემორანდუმს ხელს მოაწერენ სახელმწიფო აუდიტის სამსახურის გენერალური აუდიტორი ლაშა თორდია და საქართველოს უნივერსიტეტის პრეზიდენტი მანანა სანაძე.
შეხვედრა გაიმართება საქართველოს უნივერსიტეტის ოფისში, 13 საათზე.
მისამართი: თბილისი. მ. კოსტავას 77ა. ტელ: (+995 32) 2 55 22 55
