21-22 ივლისს, სახელმწიფო აუდიტის სამსახურის გენერალური აუდიტორი ლაშა თორდია ყირგიზეთის რესპუბლიკის საანგარიშო პალატის დელეგაციას უმასპინძლებს.
ყირგიზეთის რესპუბლიკის საანგარიშო პალატის დელეგაციის ვიზიტის მიზანია სახელმწიფო აუდიტის სამსახურის საქმიანობის ძირითადი მიმართულებების გაცნობა და სააქციზო გადასახადების შეგროვების ადმინისტრირების გაუმჯობესებაში საქართველოს გამოცდილების გაზიარება.
ორდღიანი ვიზიტის ფარგლებში, დაგეგმილია სამუშაო შეხვედრები და კონსულტაციები სახელმწიფო აუდიტის სამსახურის ექსპერტ-აუდიტორებთან, რაც ხელს შეუწყობს ყირგიზეთის საანგარიშო პალატის რეფორმირებას და ორი ქვეყნის უმაღლესი აუდიტორული უწყებების სამომავლო თანამშრომლობის გაძლიერებას.
