დღეს, 2014 წლის 23 ივნისს სახელმწიფო აუდიტის სამსახურსა და შპს ”კავკასიის უნივერსიტეტს” შორის გაფორმდება ურთიერთთანაშრომლობის მემორანდუმი, რომლის მიზანია სახელმწიფო აუდიტის სამსახურისთვის კვალიფიციური კადრების მომზადება და სტუდენტთა პროფესიული განვითარების ხელშეწყობა საბაკალავრო, სამაგისტრო და სადოქტორო პროგრამების მიმართულებით.
მემორანდუმის ფარგლებში, დაგეგმილია ერთობლივი პროექტების განხორციელება, სტუდენტთა სტაჟირება და სასწავლო პრაქტიკის გავლა სახელმწიფო აუდიტის სამსახურში.
მემორანდუმს ხელს მოაწერენ: სახელმწიფო აუდიტის სამსახურის გენერალური აუდიტორი ლაშა თორდია და შპს „კავკასიის უნივერსიტეტის“ დირექტორი კახა შენგელია.
შეხვედრა გაიმართება 23 ივნისს, 12 საათზე.
შპს ”კავკასიის უნივერსიტეტი”. მის: ქ. თბილისი, პოლიტკოვსკაიას ქ.N10.
