ხვალ, 25 მარტს, სახელმწიფო აუდიტის სამსახურსა და შვედეთის ეროვნულ აუდიტორულ ოფისს (SNAO) შორის გაფორმდება ურთიერთგაგების მემორანდუმი, რომელიც მიზნად ისახავს მხარეებს შორის თანამშრომლობის გაგრძელებას 2014-2016 წლებში ეფექტიანობის აუდიტის მიმართულებით, რაც ხელს შეუწყობს სახელმწიფო აუდიტის სამსახურში ეფექტიანობის აუდიტის განხორციელებას უმაღლესი აუდიტორული ორგანოების საერთაშორისო სტანდარტების (ISSAI) შესაბამისად.
ურთიერთგაგების მემორანდუმს ხელს მოაწერენ სახელმწიფო აუდიტის სამსახურის გენერალური აუდიტორი ლაშა თორდია და შვედეთის ეროვნული აუდიტორული ოფისის გენერალური აუდიტორი იან ლანდალი.
