სახელმწიფო აუდიტის სამსახური

ანონსი 21 იანვარი, 2014

ანონსი: შეთანხმების  მემორანდუმი

 თსუ  ეკონომიკის საერთაშორისო სკოლასა (ISET) და სახელმწიფო აუდიტის სამსახურს შორის თანამშრომლობის შესახებ

2014 წლის 22 იანვარს, თსუ ეკონომიკის საერთაშორისო სკოლასა (ISET) და სახელმწიფო აუდიტის სამსახურს შორის გაფორმდება შეთანხმების მემორანდუმი, რომელიც  გულისხმობს 2014 - 2015 წლებში ერთობლივი პროექტების, ტრენინგებისა და კვლევების ორგანიზებასა და განხორციელებას, ასევე, ორმხრივი დაინტერესების შემთხვევაში, ISET-ის წარჩინებული სტუდენტების სტაჟირებას სახელმწიფო აუდიტის სამსახურში და მათ ჩართულობას აუდიტორულ საქმიანობაში.  

შეთანხმების მემორანდუმზე ხელს მოაწერენ თსუ ეკონომიკის საერთაშორისო სკოლის აღმასრულებელი დირექტორი, ერიკ ლივნი და სახელმწიფო აუდიტის სამსახურის გენერალური აუდიტორი, ლაშა თორდია.  

შეხვედრა გაიმართება თსუ ეკონომიკის საერთაშორისო სკოლის (ISET) საკონფერენციო დარბაზში.

მისამართი: თბილისი, ზანდუკელის ქუჩა №16,  დასაწყისი - 16:00 სთ.