სახელმწიფო აუდიტის სამსახური

აფხაზეთის ა/რ 24 მაისი, 2024
მოხსენება აფხაზეთის ავტონომიური რესპუბლიკის 2023 წლის რესპუბლიკური ბიუჯეტის შესრულების წლიურ ანგარიშზე

სახელმწიფო აუდიტის სამსახურის აფხაზეთის ავტონომიურ რესპუბლიკაში აუდიტის დეპარტამენტის უფროსმა ნოე ქაშიბაძემ  აფხაზეთის ა/რ-ის უმაღლეს საბჭოს „აფხაზეთის ავტონომიური რესპუბლიკის 2023 წლის რესპუბლიკური ბიუჯეტის შესრულების შესახებ“, აფხაზეთის ა/რ-ის მთავრობის ანგარიშთან დაკავშირებით სახელმწიფო აუდიტის სამსახურის მოხსენება  წარუდგინა. 
მოხსენებაში შეფასებულია აფხაზეთის ა/რ 2023 წლის რესპუბლიკური ბიუჯეტით გათვალისწინებული შემოსულობებისა და გადასახდელების მდგომარეობა, მიღებული შედეგები და ის ფაქტორები, რომელთაც გავლენა იქონიეს საჯარო ფინანსების მართვის პროცესზე. გაანალიზებულია ბიუჯეტის დაგეგმვის, სახელმწიფო შესყიდვების მართვის, სარეზერვო ფონდის განკარგვის,                                აღრიცხვა-ანგარიშგების და პროგრამული ბიუჯეტის შესრულების მნიშვნელოვანი საკითხები.
მოხსენებაში აღნიშნულია, რომ მნიშვნელოვანია საბიუჯეტო ასიგნებების დროული და თანაბარზომიერი ათვისება, რამაც ხელი უნდა შეუწყოს საბიუჯეტო სახსრების მიზნობრივად და ეფექტიანად ხარჯვას.
სახელმწიფო აუდიტის სამსახურის შეფასებით, მოხსენებაში წარმოდგენილი შენიშვნებისა და რეკომენდაციების გათვალისწინება, ხელს შეუწყობს ბიუჯეტის დაგეგმვა-ანგარიშგების პროცესის გაუმჯობესებას და საჯარო ფინანსების მართვის ხარისხის ზრდას.
მოხსენების შესახებ  გაიმართა დისკუსია და აფხაზეთის ა/რ-ის  უმაღლესი საბჭოს დეპუტატების კითხვებს ამომწურავად უპასუხა აუდიტის დეპარტამენტის უფროსმა ნოე ქაშიბაძემ. კითხვა-პასუხის შემდეგ   კენჭისყრაზე მოხსენებას მხარი დაუჭირეს  და  აფხაზეთის ავტონომიური რესპუბლიკის 2023 წლის რესპუბლიკური ბიუჯეტის შესრულების წლიური ანგარიში დაამტკიცეს.