7 - 11 თებერვალს საქართველოს კონტროლის პალატისა და საქართველოს პარლამენტის წევრთა დელეგაცია, ლევან ბეჟაშვილის ხელმძღვანელობით ოფიციალური ვიზიტით იმყოფებოდა ესპანეთის აუდიტორულ სასამართლოში.
ვიზიტის ფარგლებში გამართული შეხვედრებისას მონაწილეები გაეცნენ ესპანეთის აუდიტორული სასამართლოს გამოცდილებას წარმომადგენლობით ორგანოებთან ურთიერთობის, თვითმმართველობების საქმიანობის აუდიტის, აუდიტორული სასამართლოს მიერ მიღებული გადაწყვეტილებების აღსრულების, აგრეთვე აუდიტისას თანამედროვე პროფილური საინფორმაციო ტექნოლოგიების (CAGE, PROFOR, OPERA, TEAMMATE, IDEA) გამოყენების სფეროებში.
საქართველოს კონტროლის პალატის თავმჯდომარისა და მისი ესპანელი კოლეგის შეხვედრისას განისაზღვრა სამომავლო თანამშრომლობის სფეროები და პრიორიტეტები.
