Header

Header Top

Standard Version

სტანდარტული ვერსია

Language Switcher

Quick Menu

Site Settings - Easy Read and Text Size

Content

Page Content

  • ტექსტის ზომა:
  • A
  • A
  • A

აუდიტი

აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტრო

გამოქვეყნების თარიღი: 19:04:2017

დეპარტამენტი: აუდიტის დეპარტამენტი აფხაზეთის ავტონომიურ რესპუბლიკაში

ტიპი: ფინანსური აუდიტი

აუდიტის ანგარიში

2016 წლის 1 იანვარი -  2017  წლის 1 იანვარი

მიმაგრებული ფაილები

სს „საქართველოს რკინიგზა“

გამოქვეყნების თარიღი: 17:04:2017

დეპარტამენტი: ეკონომიკური საქმიანობის სფეროს აუდიტის დეპარტამენტი

ტიპი: შესაბამისობის აუდიტი

სახელმწიფო აუდიტის სამსახურმა ჩაატარა სს „საქართველოს რკინიგზის“ 2015 წლის შესყიდვების შესაბამისობის აუდიტი. აუდიტმა მოიცვა 521 ხელშეკრულება და 106,024,774 ლარი. სს „საქართველოს რკინიგზა“ შესყიდვებს ახორციელებს როგორც „სახელმწიფო შესყიდვების შესახებ“ საქართველოს კანონით, ასევე შესყიდვების სპეციალური  წესით, რომელიც დადგენილია საქართველოს მთავრობის მიერ.

  • სს „საქართველოს რკინიგზის“ შესყიდვების სპეციალური წესი არ ითვალისწინებს თუ რა ვადაში უნდა იმსჯელოს სატენდერო კომისიამ, შეესაბამება თუ არა ყველაზე დაბალი ფასის მქონე პრეტენდენტის წარმოდგენილი ტექნიკური დოკუმენტაცია სატენდერო განცხადებითა და სატენდერო დოკუმენტაციით დადგენილ მოთხოვნებს. აღნიშნული სრულად არ აკმაყოფილებს კომპანიის შესყიდვების სპეციალური წესის მოთხოვნას, შესყიდვების განხორციელებისას პრეტენდენტების მიმართ სამართლიანი მიდგომის შესახებ. ასევე პრეტენდენტებისა და პოტენციური პრეტენდენტებისთვის არ არის განჭვრეტადი შესყიდვის პროცედურის დასრულებასთან დაკავშირებული ვადები, რაც ართულებს დაინტერესებული მხარეებისთვის ტენდერში მონაწილეობის დაგეგმვის პროცესებს.
  • სამშენებლო სამუშაოების შესყიდვისას სს „საქართველოს რკინიგზა“ ითხოვს პრეტენდენტების ან ქვეკონტრაქტორების გამოცდილებას. ზოგიერთ შემთხვევაში ტენდერებში წარმოდგენილია მხოლოდ ქვეკონტრაქტორების გამოცდილება, რის შედეგადაც იმარჯვებენ პრეტენდენტები. შედეგად, კონტრაქტორები სამშენებლო სამუშაოების გამოცდილებას იღებენ ქვეკონტრაქტორების  მიერ შესრულებული სამუშაოების ხარჯზე ისე, რომ შესაძლოა მათ მომავალში დამოუკიდებლად ვერ შეძლონ აღნიშნული სამუშაოების შესრულება, მაშინ როდესაც ისინი უკვე თავისუფლად შეძლებენ ტენდერის პირობების დაკმაყოფილებას გამოცდილების ნაწილში.
  • ელექტრონულ პროცედურაში, (GEO150000009), რომლის სავარაუდო ღირებულება შეადგენდა  3,559,424 ლარს, გამარჯვებული პრეტენდენტი სს „ელმავალმშენებელი" ექვემდებარებოდა დისკვალიფიკაციას შესასრულებელ სამუშაოებზე არასათანადოდ გაცემული ნებართვის გამო.  აღნიშნული ნებართვა გაცემულია სს „ელმავალმშენებლის“ მიერ იმ დოკუმენტების საფუძველზე, რომლებიც მომზადებულია ამავე ნებართვის გაცემის თარიღის შემდგომ პერიოდში და შეთანხმებულია შპს „საქართველოს რკინიგზასთან“.
  • ტენდერში (SPA150010368) გამარჯვებული კომპანიის მიერ წარმოდგენილი ხარისხის დამადასტურებელი სერთიფიკატი N0006909 გაცემულია IATF-ის მიერ, თუმცა IATF-ის  საძიებო სისტემაში ამავე ნომერზე ფიქსირდება სხვა კომპანია.

აუდიტის შედეგად გაცემულია რეკომენდაციები:

რეკომენდაცია N1: სს „საქართველოს რკინიგზამ“ განიხილოს სპეციალური წესით შესყიდვების განხორციელებისას, პრეტენდენტთა მიმართ უფრო მეტად სამართლიანი მიდგომისუზრუნველყოფის მიზნით,შესყიდვების სპეციალურ წესში ცვლილების შეტანის შესაძლებლობა, რომლითაცგანისაზღვრება თუ რა ვადაში უნდა იმსჯელოს სატენდერო კომისიამ, შეესაბამება თუ არა ყველაზე დაბალი ფასის წინადადების მქონე პრეტენდენტის მიერ წინადადებების მიღების ეტაპზე სისტემაში განთავსებული ტექნიკური დოკუმენტაცია სატენდერო განცხადებითა და სატენდერო დოკუმენტაციით დადგენილ მოთხოვნებს. პრეტენდენტების დისკვალიფიკაციის შემთხვევაში აღნიშნული მიდგომა გამოყენებულ იქნას ასევე ყველა შემდგომი პრეტენდენტების მიმართ.

რეკომენდაცია N2: პრეტენდენტების მიერ ტენდერებში მონაწილეობის მისაღებად,ქვეკონტრაქტორების შესრულებული სამუშაოების ხარჯზე, გამოცდილების მიღების თავიდან აცილების მიზნით, სს „საქართველოს რკინიგზამ“ შეიმუშაოს და პრაქტიკაში დანერგოს შესაბამისი მექანიზმი (მაგ.: მინიმალური მოთხოვნა, რომელსაც უნდა აკმაყოფილებდეს მხოლოდ პრეტენდენტი; სამუშაოთა მიღება-ჩაბარების დოკუმენტებში ფაქტობრივი შემსრულებლის მითითება და ა.შ.).

რეკომენდაცია N3: სს „საქართველოს რკინიგზამ“ პრეტენდენტების მიერ წარმოდგენილი  სერთიფიკატების ნამდვილობის დადგენის მიზნით შეიმუშაოს კონტროლის ისეთი მექანიზმი, რომელიც უზრუნველყოფს პრეტენდენტების ტექნიკური დოკუმენტაციის სატენდერო დოკუმენტაციასთან  სრული შესაბამისობის დადგენას.  

მიმაგრებული ფაილები

შპს „მექანიზატორი“

გამოქვეყნების თარიღი: 17:04:2017

დეპარტამენტი: ეკონომიკური საქმიანობის სფეროს აუდიტის დეპარტამენტი

ტიპი: შესაბამისობის აუდიტი

სახელმწიფო აუდიტის სამსახურმა ჩაატარა შპს მექანიზატორის შესაბამისობის აუდიტი,  სადაც აუდიტის საგნად განისაზღვრა: სასოფლო-სამეურნეო დანიშნულების ძირითადი აქტივების მართვა და სასოფლო-სამეურნეო დანიშნულების აქტივებით მიღებული შემოსავალი.

სახელმწიფო აუდიტის სამსახურის 2015 წლის აუდიტორული საქმიანობის წლიური გეგმის  შესაბამისად, შპს „მექანიზატორის“ შესაბამისობის აუდიტის პერიოდად განისაზღვრა 2012, 2013, და 2014 წლების საანაგრიშგებო პერიოდი. კომპანიის მიერ წარმოდგენილი ინფორმაციის შესაბამისად, საქართველოს შინაგან საქმეთა სამინისტროს ანტიკორუფციული სააგენტოს 2013 წლის 16 მაისის ამოღების ოქმით, შპს „მექანიზატორიდან“ ამოღებულია საწარმოს დარეგისტრირების დღიდან 2013 წლის 14 მარტამდე პერიოდის ამსახველი სრული სააღრიცხვო და იურიდიული (ოფიციალური და არაოფიციალური) დოკუმენტაცია, მათ შორის ელექტრონული ფორმით. გარდა ამისა, კომპანიამ ვერ შეძლო სახელმწიფო აუდიტის სამსახურისთვის მოეწოდებინა 2013 წლის 14 მარტიდან 2013 წლის 31 დეკემბრამდე პერიოდის ინფორმაცია. არსებული მასშტაბის შეზღუდვიდან გამომდინარე, აუდიტორებს მიეცათ შესაძლებლობა შემოწმებულიყო მხოლოდ 2014 წლის საანგარიშგებო პერიოდი.

ქვემოთ მოცემულია აუტიდის ანგარიშის შემაჯამებელი მიმოხილვა:

აქტივებისმართვა

შპს „მექანიზატორის“ ძირითადი საქმიანობის სფეროს წარმოადგენს ფერმერთათვის სასოფლო-სამეურნეო ტექნიკით მომსახურება. 2014 წლის 31 დეკემბრის მდგომარეობით,  კომპანიას ბალანსზე ერიცხებოდა დაახლოვებით 200,000,000 ლარის ღირებულების სასოფლო-სამეურნეო ტექნიკა, რომელთა ინვენტარიზაციაც წლების განმავლობაში არ განხორციელებულა, შესაბამისად კომპანია არ ფლობს სრულ და ზუსტ ინფორმაციას მის ბალანსზე რიცხული ტექნიკა-იმპლემენტების არსებობისა და მდგომარეობის შესახებ.

კომპანიის ზოგიერთი ტექნიკა-აგრეგატის უტილიზაცია საკმაოდ დაბალია. მაგალითისთვის გამოყენების ერთ-ერთი ყველაზე დაბალი მაჩვენებლები აქვთ კარტოფილის მოსავლის ამღებ ტექნიკას, ქვის ამკრეფ ტექნიკასა და თვითმავალ სათიბელას. აღნიშნული ტექნიკა აგრეგატები კომპანიამ ჯამურად შეისყიდა 3,000,000 ლარად ხოლო წლის განმავლობაში აღნიშნული ტექნიკით მიღებულმა შემოსავალმა შეადგინა 12,000 ლარი (0.4%).

შემოსავლები

კომპანიის ბუღალტრული მონაცემებით, 2014 წლის განმავლოაბში სულ მიღებული აქვს 19,736,259 ლარის ოდენობის შემოსავალი, თუმცა ეს რიცხვი არ ედრება კომპანიის მიერ შედგენილ ხელშეკრულებების რეესტრს. ხელშეკრულებების და მასთან დაკავშირებული მიღება-ჩაბარების აქტების გაფორმებას აქვს არასისტემატიზებული ხასიათი.

შემოსავლების სრულად აღრიცხვის მიზნით, კომპანიაში არ არის დანერგილი ადექვატური კონტროლები, შესაბამისად მაღალია ტექნიკა-იმპლემენტების არაკეთილსინდისიერად გამოყენების რისკი.  

აუდიტის შედეგად გაიცა რეკომენდაციები:

რეკომენდაცია N1

შეძენილი აქტივების რაციონალურად გამოყენების მიზნით, შპს „მექანიზატორმა“ ახალი  ტექნიკა-აგრეგატების შეძენამდე სასურველია ჩაატაროს კვლევა რამდენად მოთხოვნადია ესა თუ ის აგრეგატი მომსახურების ბაზარზე და მხოლოდ მას შემდეგ მოახდინოს შესყიდვა.

რეკომენდაცია N2

შპს „მექანიზატორის“ ხელმძღვანელობამ შემოსავლების სრულად და ზუსტად აღრიცხვის მიზნით დანერგოს შესასრულებელი აგრო ოპერაციის ელექტრონული აღრიცხვის სისტემა, რომელიც მიმდინარე რეჟიმში ასახავს დამკვეთთან გაფორმებულ ხელშეკრულებებს, ანგარიშსწორების პირობებს და სხვა მნიშვნელოვან ინფორმაციას რაც უზრუნველლყოფს ოპერატორების ეფექტურ კონტროლს და კოორდინირებულ მუშაობას.

რეკომენდაცია N3

სასოფლო-სამეურნეო დანიშნულების მომსახურების სფეროში გამოსაყენებელი ტექნიკა-იმპლემენტების მართვის გაუმჯობესებისა და მისაღები შემოსავლების შესაძლო დანაკარგების აცილების მიზნით, შპს „მექანიზატორის“ მიერ შემუშავებულ იქნას წესი, რომელშიც გაწერილი იქნება განსახორციელებელი საქმიანობისა და მათი შესრულების მონიტორინგის პროცედურები.

მიმაგრებული ფაილები

მასობრივი სპორტის განვითარება

გამოქვეყნების თარიღი: 14:04:2017

დეპარტამენტი: საერთო დანიშნულების სახელმწიფო მომსახურების სფეროს აუდიტის დეპარტამენტი

ტიპი: ეფექტიანობის აუდიტი

სახელმწიფო აუდიტის სამსახურმა შეისწავლა საჯარო სკოლებში მოსწავლეების სპორტის გაკვეთილებში ჩართულობა,  სახელმწიფოს საკუთრებაში არსებული სპორტული ინფრასტრუქტურის მასობრივი სპორტის მიმართულებით გამოყენება და სახელმწიფოს სხვადასხვა სტრუქტურული ერთეულების მიერ განხორციელებული ქმედებები, მასობრივი სპორტის განვითარების მიზნით.

აუდიტის შედეგად გამოვლინდა, რომ საჯარო სკოლებში რეგისტირებული 44,529 მოსწავლე მოკლებულია შესაძლებლობას სკოლის ფარგლებში მიიღოს საკმარისი ფიზიკური აქტივობა სპორტის გაკვეთილების სახით, ვინაიდან საჯარო სკოლების გარკვეული რაოდენობა, სხვადასხვა სასწავლო საფეხურებზე,  ეროვნული სასწავლო გეგმით განსაზღვრული დაშვების შესაბამისად ერთი  სემესტრის მანძილზე ამცირებს სპორტის გაკვეთილების კვირეულ დატვირთვას ერთ საათამდე, თუმცა ეროვნული სასწავლო გეგმით განსაზღვრული ორი საათიანი კვირეული სპორტული დატვირთვა არ არის საკმარისი ჯანმრთელი და ჯანსაღი მოსწავლეების აღსაზრდელად, რასაც მოწმობს საერთაშორისო გამოცდილება და სპორტის შესახებ კანონი, რომლის მიხედვით სასწავლო დაწესებულებებში სპორტის საათი არ უნდა იყოს 4 საათზე ნაკლები.

აუდიტის შედეგად შერჩეული  მუნიციპალიტეტების მიხედვით მოსახლეობის ფიზიკურ აქტივობებში ჩართულობა არის მცირე და მერყეობს საშუალოდ 6%-მდე მაშინ, როდესაც მუნიციპალიტეტების საკუთრებაში არსებული სპორტული ინფრასტრუქტურის სრულად დატვირთვა არ ხდება.

არსებობს საჯარო სკოლები, სადაც სპორტული ინფრასტრუქტურის მდგომარეობა არ აძლევს მათ საშუალებას ჩაატარონ  სპორტის გაკვეთილები, თუმცა საჯარო სკოლების მიერ არ მომხდარა ალტერნატიული საშუალებების გამოყენება როგორც სახელმწიფო სპორტული ინფრასტრუქტურის, ასევე ინფრასტრუქტურულად უკეთეს მდგომარეობაში არსებული სკოლების სპორტული დარბაზების სახით, რომელიც  ხელს შეუწყობდა აღნიშნული პრობლემის ნაწილობრვ გამოსწორებას და მეტ  მოსწავლეს მისცემდა საშუალებას მიეღო სათანადო ფიზიკური დატვირთვა.

სახელმწიფო აუდიტის სამსახურმა გამოვლენილი ნაკლოვანებების გასაუმჯობესებლად გასცა შესაბამისი რეკომენდაციები.

მიმაგრებული ფაილები

საქართველო შრომის, ჯანმრთელობისა და სოციალური დაცვის სამინისტრო

გამოქვეყნების თარიღი: 12:04:2017

დეპარტამენტი: სოციალური სფეროს აუდიტის დეპარტამენტი

ტიპი: ფინანსური აუდიტი

2015 წლის 31 დეკემბრით დასრულებული საანგარიშგებო პერიოდისთვის კონსოლიდირებული ფინანსური ანგარიშგების აუდიტის ანგარიში

სახელმწიფო აუდიტის სამსახურის პრეზიდიუმის 2017 წლის 21 თებერვლის  N01255/31 გადაწყვეტილების შესაბამისად, საქართველოს შრომის, ჯანმრთელობისა და სოციალური დაცვის სამინისტროს 2016 წლის 30 დეკემბრის ფინანსური აუდიტის  N89/36 ანგარიშში შეტანილი ცვლილებით

მიმაგრებული ფაილები

საქართველოს კულტურისა და ძეგლთა დაცვის სამინისტროს 2015 წლის 31 დეკემბრით დასრულებული საანგარიშგებო პერიოდისთვის კონსოლიდირებული ფინანსური ანგარიშგების აუდიტის ანგარიში

გამოქვეყნების თარიღი: 10:04:2017

დეპარტამენტი: სოციალური სფეროს აუდიტის დეპარტამენტი

ტიპი: ფინანსური აუდიტი

საქართველოს კულტურისა და ძეგლთა დაცვის სამინისტროს 2015წლის ფინანსური აუდიტით გამოთქმული პირობითი მოსაზრების ძირითადი საფუძვლები:

არაფინანსური აქტივები:

გარემოება:

  • საქართველოს კულტურისა და ძეგლთა დაცვის მინისტრის 2015 წლის 5 მარტის N02/166 ბრძანების თანახმად, გაწეულია სამინისტროს დაქვემდებაში მყოფი რამდენიმე სსიპ-ის სარგებლობაში მყოფი არასაცხოვრებელი შენობების საპროექტო - სახარჯთაღრიცხვო დოკუმენტაციის შედგენის მომსახურებაზე გაწეულია 260.9 ათასი ლარის ხარჯი, რომლის კაპიტალიზება და შესაბამისად აქტივების ღირებულების ზრდა არ მომხდარა;
  • სსიპ “თბილისის აპოლონ ქუთათელაძის სახელობის სახელმწიფო სამხატვრო აკადემიის” მიერ შეძენილი სასწავლო პროცესის მართვის ელექტრონული პროგრამა აქტივად არ არის აღიარებული. აღნიშნული პროგრამის გაუმჯობესებასა და აკადემიურ მოთხოვნებთან მის შესაბამისობაში მოყვანაზე 2015 წელს სამხატვრო აკადემიამ გასწია 12.0 ათასი ლარის ღირებულების სამუშაოები, რომლის კაპიტალიზირება არ მომხდარა;
  • რიგ შემთხვევებში არაფინანსური აქტივები (შენობა,მიწა-ფართი 51789 კვ.მ) არ არის შეფასებული ან/და ასახული კომპონენტების (სსიპ-ების) ფინანსურ ანგარიშგებაში
  • სსიპ „საქართველოს ეროვნულ მუზეუმს“ ფინანსურ ანგარიშგების ფორმა N1-ში „ძირითადი აქტივების“ მუხლის საწყისსა და საბოლოო ნაშთებში აღრიცხული აქვს 1496.5 ათასი ლარის ღირებულების სამუზეუმო ექსპონატები, „მუზეუმების შესახებ საქართველოს კანონის“ 22 მუხლის მე-2 პუნქტის თანახმად, სამუზეუმო ექსპონატი არ ექვემდებარება საბუღალტრო აღრიცხვას;
  • სსიპ ,,თბილისის აპოლონ ქუთათელაძის სახელობის სახელმწიფო სამხატვრო აკადემიამ“ ავანსის კაპიტალიზაცია განახორციელა შენობა-ნაგებობების მუხლზე 352.7 ათასი ლარის ღირებულებით;
  • სსიპ ,,ვაჟა ფშაველას სახელობის თელავის სახელმწიფო დრამატულმა თეატრმა“ ნაცვლად ძირითადი აქტივების დაშლის შედეგად მიღებული სხვა მატერიალური მარაგების ღირებულების გაზრდისა, მოახდინა დემონტაჟის ხარჯების კაპიტალიზაცია და შენობა-ნაგებობების საბალანსე ღირებულების გაზრდა 113.1 ათასი ლარით. თეატრს 2015 წელს ბალანსიდან არ აქვს ჩამოწერილი 2 014.6 ათასი ლარის საბალანსე ღირებულების ძირითადი საშუალებები, რომელსაც გაუკეთდა დემონტაჟი;
  • სსიპ ჭაბუკიანის სახელობის საბალეტოსასწავლებელს „არაფინანსური აქტივების“ საბალანსო მუხლის მიხედვით ერიცხება საცხოვრებელი ბინა, რომლის ნარჩენი საბალანსო ღირებულება წლის ბოლოსთვის შეადგენდა 12.6 ათას ლარს. მისი ბალანსზე ასახვის სამართლებრივი საფუძველი წარმოდგენილი ვერ იქნა, საჯარო რეესტრის მონაცემის თანახმად, ფართი არაა სასწავლებელზე დარეგისტრირებული და არც ფაქტობრივი მისამართია დაზუსტებული. სასწავლებელი მისი ფლობიდან არ ღებულობს რაიმე სარგებელს და არ არსებობს მისი აქტივად აღიარების საფუძველი.

გავლენა: კონსოლიდირებული ბალანსის მიხედვით არაფინანსური აქტივების ღირებულება გაზრდილია ჯამში 3 971.0 ათასი ლარით.

შემოსავლები

გარემოება:

2015 წლის განმავლობაში მე-20 და 21-ე ეტაპის ფარგლებში საქართველოს ეროვნულმა მუზეუმმა შეასრულა 619.8 ათასი ლარის სამუშაოები, რომლის ანაზღაურების მიზნით დამკვეთისთვის -სამხრეთ კავკასიის მილსადენის კომპანია - გაგზავნილი ჰქონდა 16 ინვოისი, აქედან კომპანიას 2015 წელს ანაზღაურებული აქვს 377.2 ათასი ლარი, რომელიც მუზეუმმა ასახა როგორც კრედიტორული დავალიანება.

გავლენა: „კრედიტორული დავალიანების“ ანგარიშის საბოლოო ნაშთი გაზრდილია 377.2 ათასი ლარით, „გაუნაწილებელი მოგების“ და „მოკლევადიანი მოთხოვნების“ ანგარიშების საბოლოო ნაშთები შემცირებულია 619.8 და 242.6 ათასი ლარით.

ხარჯები

გარემოება:

სამინისტოს დაქვემდებარებაში არსებულ ზოგიერთ სსიპ-ში ცვეთის ხარჯების გაანგარიშებისას დაშვებულია რიგი უზუსტობები:

სსიპ-ის დასახელება

უზუსტობის შედეგი

ზრდა

შემცირება

სსიპ შოთა რუსთაველის სახელობის პროფესიული სახელმწიფო დრამატული თეატრი

 

184 113

სსიპ ჭაბუკიანის სახელობის საბალეტო სასწავლებელი

 

1 100

სსიპ პ.ადამიანის სახ, სომხური თეატრი

81

 

სსიპ ქ. თბილისის გიორგი მიქელაძის სახ. თოჯინების პროფესიული სახელმწიფო თეატრი

 

2 680

სსიპ ,,თბილისის ვასო აბაშიძის სახელობის მუსიკალური კომედიისა და დრამის სახელმწიფო თეატრი“

9 893

3 028

სსიპ ქ.ფოთის ვ.გუნიას სახ, თეატრი

 

2 666

სსიპ სახელმწიფო თეატრის, კინოსა და მუსიკის მუზეუმი

 

868

სულ

9974

194455

გავლენა: ძირითადი აქტივების და წმინდა ღირებულების საბალანსე ანგარიშის საბოლოო ნაშთი გაზრდილია 184.5 ათასი ლარით.

მიმაგრებული ფაილები

საქართველოს თავდაცვის სამინისტროს პერსონალის სამედიცინო მომსახურებით უზრუნველყოფა

გამოქვეყნების თარიღი: 10:04:2017

დეპარტამენტი: თავდაცვის,საზოგადოებრივი წესრიგისა და უსაფრთხოების სფეროს აუდიტის დეპარტამენტი

ტიპი: ეფექტიანობის აუდიტი

სახელმწიფო აუდიტის სამსახურმა ჩაატარა თავდაცვის სამინისტროს პერსონალის სამედიცინო მომსახურებით უზრუნველყოფის ეფექტიანობის აუდიტი. აუდიტის ობიექტად განისაზღვრა საქართველოს თავდაცვის სამინისტრო და მის დაქვემდებარებაში მყოფი სსიპ - გიორგი აბრამიშვილის სახელობის საქართველოს თავდაცვის სამინისტროს სამხედრო ჰოსპიტალი.

აუდიტის სამსახურმა შეისწავლა თავდაცვის სამინისტროს მოსამსახურეთა და მათი ოჯახის წევრთა სამედიცინო მომსახურების ხელმისაწვდომობის საკითხი, რესურსების პროდუქტიულობა და სამედიცინო უზრუნველყოფისთვის გამოყოფილი საბიუჯეტო სახსრების ხარჯვის ეფექტიანობა.

  • სამინისტროში სამხედრო მოსამსახურეების, სამოქალაქო პერსონალისა და მათი ოჯახის წევრებისათვის  ხარისხიან და მრავალპროფილიან სამედიცინო მომსახურებაზე ხელმისაწვდომობა სათანადოდ არ არის უზრუნველყოფილი. აღნიშნულის მიზეზს წარმოადგენს სამედიცინო პერსონალის დეფიციტი, სამედიცინო პუნქტებსა და ლაზარეთებში არსებული ინფრასტრუქტურული, ასევე სამედიცინო საშუალებებით აღჭურვის პრობლემები.
  • სადაზღვევო მომსახურების ღირებულების დადგენაში არსებული ხარვეზები ამცირებს ჰოსპიტალის მიერ მისაღებ შემოსავლებს. ჰოსპიტალში არსებული გარკვეული სტაციონარული მომსახურების  ტარიფები ბაზარზე არსებულ ტარიფებთან შედარებით მნიშვნელოვნად დაბალია, რასაც ემატება ისიც, რომ სადაზღვევო ხელშეკრულების ფარგლებში ჰოსპიტალის მიერ სტაციონარულ მომსახურებაზე ვრცელდება დამატებით 20%-ით ფასდაკლება, რაც ასევე ამცირებს ჰოსპიტალის მისაღებ პოტენციურ შემოსავალს.
  • ჯანდაცვის სწორი პოლიტიკის ჩამოყალიბებისა და ჰიგიენური ნორმების დარღვევის შედეგად გამოწვეული დაავადებების პრევენციის მიზნით, არ ხდება სადაზღვევო კომპანიიდან სტატისტიკური ინფორმაციის მიღება მოსამსახურეთა ავადობის შესახებ.
  • ნორმატიული აქტებით არ არის დარეგულირებული მოსამსახურეების მედიკამენტებით უზრუნველყოფის საკითხი, რაც წარმოშობს მედიკამენტების ხელმისაწვდომობის პრობლემას.
  • სამხედრო მოსამსახურეთა ავადმყოფობის გამო  შვებულებაში გასვლის წესი არ პასუხობს თანამედროვე სტანდარტებს, კერძოდ, ავადმყოფობის გამო შვებულებაში გასვლის მიზნით აუცილებელია სამხედრო მოსამსახურის ტრანსპორტირება გორის სამხედრო ჰოსპიტალში, რაც გარკვეულ შემთხვევაში წარმოადგენს არაეკონომიურ ხარჯს.

აღნიშნული ნაკლოვანებების აღმოსაფხვრელად სახელმწიფო აუდიტის სამსახურმა გასცა შესაბამისი რეკომენდაციები.

მიმაგრებული ფაილები